Aye Naye Saal Bata

Aye Naye Saal Bata, Tujh main Naya Kiya hai?,
Har Taraf Khalq Ne kyun Shor Macha Rakha hai.

Roshni Din ki Wohi’ Taaron Bhari Raat Wohi,
Aaj Humko Nazar Aati hai har Baat Wohi.

Aasmaan Badla hai Na Badli Hai Afsurda Zameen,
Ek Hindsay ka Badalna Koi Jiddat Tou Nahi.

Aglay Barson ki Tarah Hongay Qareenay Teray,
Kisay Maaloom Nahi 12 Maheenay Teray.

Tu Naya Hai To Dikha Subah Nayee Shaam Nayee,
Warna in Aankhon Ne Dekhay Hain Naye Saal Kayee…